Gramática histórica galega I. Fonética e Morfosintaxe

Gramática histórica galega I. Fonética e Morfosintaxe est de l'auteur Manuel Ferreiro Fernández et essaye

O lector ten nas súas mans unha obra que cobre un espazo no panorama editorial galego que desde hai xa ben tempo debía estar ocupado. Pola importancia de que se dota a historia da evolución do noso principal sinal de identidade como galegos, polo rigor con que está elaborada esta viaxe lingüística a través dos séculos, polo seu carácter case inaugural e mais pola ambiciosa intención globalizadora que rexe o traballo, este primeiro volume da Gramática Histórica Galega constituirá, a partir de hoxe, unha referencia imprescindíbel e unha ferramenta necesaria para calquera persoa que se quixer aproximar á fonética e á morfosintaxe da nosa lingua.
Percorrendo este sistemático ensaio filolóxico, o lector poderá achegarse ás palabras da tribo desde as súas orixes latinas, acompañar os seus aconteceres, devalar con elas nunha mecánica evolutiva apaixonante ou perderse nas varias direccións que foron conformando o galego e conformándonos a nós mesmos. Eis o grande engado: a viaxe a que Laiovento quere convidar os lectores.