Estatuto xurídico da lingua galega

Estatuto xurídico da lingua galega est de l'auteur Ferreira Fernández, Antonio Xavier;Nogueira López, Alba;Tato Plaza, Anxo;Villares Naveira, Luís et essaye

¿Cales son os dereitos lingüísticos? ¿Como están regulados? ¿Como podemos defendelos? ¿En qué lingua fala o Dereito? "Estatuto xurídico da lingua", libro do que son autores un equipo de profesores das facultades de Dereito das Universidades de Santiago e Vigo, quere ofrecer ao lector unha visión ampla dos dereitos lingüísticos que teñen os cidadáns tanto nas súas relacións cos poderes públicos como nas relacións privadas. Para iso realízase un estudo dos textos constitucional e estatutario, pero tamén de todas as normas que garanten o uso do galego nos máis diversos ámbitos (procedementos administrativos, función pública, ensino, toponimia, actividades mercantís, rexistros, xustiza...). A novidosa perspectiva que se achega co tratamento dos dereitos lingüísticos no ámbito público e privado permite apreciar con claridade a distinta gradación dos dereitos e deberes lingüísticos en función da posición que ocupan os suxeitos. "Estatuto xurídico da lingua galega" debulla a pluralidade de normas que regulan o dereito do uso do galego, mostrando tamén os avances que  se poden producir a través de exemplos comparados (Cataluña, País Bascoà) que deron resultados positivos para a consolidación do proceso  normalizador. Os autores tamén realizan unha lectura crítica en torno  á aplicación e interpretación que fai a Xustiza destas normas, ilustrando a evolución da xurisprudencia nesta materia.