O fenómeno humano

O fenómeno humano is from the author Teilhard de Chardin, Pierre and try

Le phénomène humain (1955), texto seminal do paleontólogo, filósofo e teólogo xesuíta Pierre Teilhard de Chardin, é unha obra mestra da ciencia e da filosofía que explora a evolución do cosmos e do ser humano desde unha perspectiva única e fascinante e desenvolve unha proposta provocadora da evolución, na que o ser humano é a culminación  actual, pero non o destino final. Redactada entre xuño de 1938 e xuño  de 1940, O fenómeno humano deixou unha pegada perdurable no pensamento contemporáneo, desafiando moitas conviccións e ofrecendo unha visión profunda e esperanzadora da humanidade no universo. Malia ter sido influída polos avances científicos e os debates filosóficos da época, os conceptos que propón seguen sendo plenamente relevantes na actualidade. O tempo achegou capas de silencio sobre o pensamento de Teilhard de Chardin pero, tal vez por iso, enfrontar hoxe a súa obra resulte estimulante e revelador na medida en que a súa proposta científica obriga a revisar certos dogmas da evolución. Tamén, e non é  menos importante, porque esta poposta inclúe o nesgo dunha orientación preocupada por honrar tanto a razón como a fe.