A visión do amor no cancioneiro de Don Denis

A visión do amor no cancioneiro de Don Denis is from the author Leticia Eirín García and try

A visión do amor
no cancioneiro de Don Denis
Estudo e edición de  33 cantigas de amor.

Este libro parte dun corpus textual constituído por trinta e tres cantigas
de amor do rei e trobador portugués Don Denis (1261-1325), nas cales
aparece recollido de modo explícito o motivo da visión da dama, tópico
xa presente na literatura desde a Antigüidade Clásica. A través dos textos
trázase  unha análise desde a perspectiva da visión e do amor trobadoresco,
unha panorámica do sentimento amoroso experimentado pola voz
poética masculina, cuxa xénese vén dada precisamente pola contemplación
da senhor. Este estudo vai acompañado do comentario retórico e
literario de cada unha das trinta e tres composicións, así como da súa
fi xación textual, realizada seguindo as tendencias  'neo-lachmanianas' e
outras achegas actuais e signifi cativas da  crítica textual.
O cancioneiro de Don Denis, composto por cento trinta e sete cantigas,
fai del o trobador máis prolífi co da nosa poesía medieval, mais este
destaca tamén cualitativamente, debido á  unión nas súas composicións
da tradición poética previa con elementos innovadores, así como polo
diálogo que estabelece con outras escolas, nomeadamente a provenzal.
O presente estudo pretende pór de relevo a singularidade da produción
lírica de Don Denis dentro da homoxeneidade formal que caracteriza
a nosa poesía medieval, ponderando, de por parte, o seu papel como
o último grande monarca da escola trobadoresca galego-portuguesa, feito
que redundará no (re)coñecemento, recuperación e valoración do noso
glorioso patrimonio cultural e literario