A homosexualidade a debate

A homosexualidade a debate is from the author Buxán Bran, Xosé M.;Chao Rego, Xosé;Queizán, María Xosé;Santos, Nanina;Suárez Briones, Beatriz and try

"Hai que saír do armario", é unha das frases máis manexadas nos últimos anos por gais e lesbianas. Pero ¿Cal é o debate sobre a homosexualidade hoxe? ¿Onde se sitúa e en que termos se establece? ¿Cales adoitan ser as actitudes máis prexuízosas dos heterosexuais fronte aos homosexuais? ¿Por qué segue a haber quen se opón á homosexualidade? ¿Por qué existe a homofóbia e os homófobos que exercen a violencia contra os homosexuais? ¿Cales son as diferencias de criterio entre as feministas lesbianas dos anos 60 e 70 e as lesbianas dos 80 e 90? ¿Que din determinadas correntes do feminismo lesbiano acerca da heterosexualidade? ¿Quen defende a unidade gai e lesbiana? ¿Cal é a relación entre a homosexualidade e a doutrina católica? ¿Como se comportou historicamente a igrexa ante a homosexualidade dentro e fóra da institución? ¿Que é o orgullo gai? ¿Por qué están están obrigados os homosexuais a buscar espacios discretos onde relacionarse sen ser descubertos? ¿Responden as lesbanas e os gais a un arquetipo físico e psicolóxico caracterizable?Conscientes da necesidade de que se fale e se debata sobre todos estas cuestións, Xerais presenta este libro, A homosexualidade, a debate, como unha contribución que sirva para dar a  coñecer que é o que se opina desde o pensamento feminista e homosexual e desde os colectivos de lesbianas e gais na Galicia actual. Conscientes tamén de que os homosexuais non poden seguir convivindo coa traxedia de ver restrinxidos os seus movementos a «dentro do armario», convidamos a cinco persoas para que, desde o debate, achegasen a súa opinión a través dos cinco interesantes artigos que se publican nestas páxinas.