A obra xornalística de José Gómez de la Cueva

A obra xornalística de José Gómez de la Cueva es del autor Francisco Rodríguez Pastoriza y trata de

José Gómez de la Cueva, que asinaba os seus traballos co pseudónimo
Johan Carballeira, foi un dos xornalistas galegos máis valorados durante os
anos anteriores á guerra civil. Os seus artigos, reportaxes e entrevistas publicáronse,
sobre todo, en xornais galegos (Faro de Vigo, El Pueblo Gallego) e
tamén de ámbito  español (Ahora, El Sol, La Voz de Aragón), distribuídos pola
Axencia EDIM. Tamén escribiu para revistas que se difundían en  todo o Estado,
como Estampa ou Gaceta de Galicia. Como poeta a súa  obra apareceu
en xornais e revistas, pero non puido levar a cabo o proxecto, anunciado antes
da súa morte, de publicar unha escolma co título de "Cartafol de poesía". Elixido
alcalde de Bueu polo Partido Galeguista en 1936, o seu traballo neste
eido transcendeu o  ámbito municipal para ocuparse dos problemas das clases
traballado ras, fundamentalmente mariñeiros para mediar coas forzas políticas
e empresariais as súas condicións de traballo. A guerra civil provocou a súa
detención e, despois dun consello de guerra, foi condenado a morte, sentencia
que se levou a cabo o 17 de abril de 1937.
A obra xornalística de José Gómez de la Cueva (Johan Carballeira) é unha
recompilación comentada e contextualizada da maior parte dos seus traballos
publicados nos xornais e nas revistas nas que colaboraba. Aquí están a práctica
totalidade dos seus escritos xornalísticos clasificados por bloques temáticos
(política, cultura, lingua...), por xéneros xornalísticos  e ordenados
cronoloxicamente.