Mans que teceron futuro. Historias e experiencias de vida de mulleres na sociedade galega

Mans que teceron futuro. Historias e experiencias de vida de mulleres na sociedade galega es del autor Rodriguez Gallardo, Anton y trata de

"O libro de Antón R. Gallardo é un sobranceiro expoñente do potencial do estudo da historia das mulleres: permite rescatar experiencias, achegas e loitas invisibilizadas no relato tradicional e  contribúe a recoñecer o papel delas en procesos políticos, sociais e culturais tanto do lugar que habitan coma do país. Incorporar voces e experiencias femininas, ou, coma neste caso, erixilas en protagonistas, transforma o achegamento ao noso pasado nunha experiencia inclusiva e diversa, e, xa que logo, moito máis próxima á
 complexidade real que se agocha detrás das sociedades pretéritas. O autor demostra, apoiado en numerosas fontes?entre as que destacan a documentación oficial custodiada en arquivos, a prensa periódica de época e a historia oral?, como a industria da sardiña, as  migracións (tanto a Boiro como desde Boiro), o comercio, as ideoloxías políticas anticaciquís ou os conflitos socioambientais son (tamén) "cousas de mulleres", son esferas onde cabe atopar e reivindicar o feminino. E se é quen de pór luz en espazos aínda escuros no pasado delas, é certamente notable que tamén desmonte estereotipos nas esferas historicamente feminizadas como o citado ensino, o marisqueo ou o servizo doméstico. O libro de Antón R. Gallardo ten todas as garantías de gustar a quen o  lea na procura dun excelente exercicio de historia das mulleres, pero, igualmente ten un enorme interese para quen goce con lecturas sobre o devir contemporáneo." Ana Cabana Iglesia. Profesora titular do Departamento de Historia da USC.